Bhashalakshmi

എന്തിനായ്

2012-01-25T03:19:00.000-08:00

എന്തിനായ് നീയെന്റെ ജീവനില്‍ വന്നെന്നെ പനിനീരിന്‍ പൂപൊല്‍ അലങ്കരിച്ചു?
എന്തിനു നീ വൃഥാ എന്നില്‍ ഉറങ്ങിയ പാഴ്സ്വരം വിരല്‍ തുംബാല്‍ തോട്ടുണര്ത്തി?
പാടാന്‍ തുടങ്ങിയെന്‍ മനസാം തംബുരു നിന്‍ താളം അറിയാതെ പിന്‍തുടര്‍ന്നു.
ഇന്ന് നീ എന്നില്‍ നിന്നകലുന്ന നേരത്ത് എന്മിഴി തൂവുന്ന കണ്ണീര്‍ത്തുള്ളി,
എന്‍ കാതില്‍ മെല്ലെ ഞാന്‍ അറിയാതെ പറയുന്നു, "അവന്‍ നിന്നില്‍ നിറയുന്ന ജീവശ്വാസം".

ഒന്നു എഴുതാൻ കഴിഞ്ഞെങ്കിൽ

2011-02-27T03:32:00.000-08:00

കാലത്തിന്റെ നാൾ വഴിയിൽ എവിടെയോ വച്ചു കൈമോശം വന്ന വാക്കുകളെ തേടി ഇറങ്ങിയതാൺ ഞാൻ. ഏങ്ങനയോ എത്തിപ്പെട്ട ജീവിത വഴികളിൽ എവിടെയോ വച്ച്‌ അറിയാതെ എന്റെ തൂലിക തുംബിൽ നിന്നും വഴുതി പോവുകയായിരുന്നു. ഇന്നും കണ്ണടയ്ക്കുംബോൾ പെയ്യാൻ വിതുംബുന്ന മഴയുടെ മന്ത്രം പോലെ ഒരു ശബ്ദം ഞാൻ കേൾക്കാറുണ്ട്‌. തേങ്ങുന്ന ഭാവനയുടെ ചിറകേറി എന്നിൽ നിന്നും ഓടി ഒളിക്കുന്ന വാക്കുകളുടെ ഭണ്ടാരം. എഴുതാൻ ഇരിക്കുംബോൾ ഒരു ഭാരം മനസിലും കയ്യിലും. ഓരോ തവണയും ഞാൻ ഓർത്തു പോകുന്നു "ഒന്നു എഴുതാൻ കഴിഞ്ഞെങ്കിൽ"!!!!

എന്റെ നിനവുകൾ

2011-02-27T03:09:00.000-08:00

ഉറങ്ങാതെ ഞാൻ എന്നും കാത്തിരിക്കും എന്റെ മനസിന്നുള്ളിലെ നിനവുകൾക്കായ്‌.

വാക്കുകളായവ വരുന്നതും നോക്കിയെൻ ഇരവുകൾ പകലുകളാക്കുന്നു ഞാൻ.

ഇന്നലെ പെയ്തൊരാ മഴയിൽ തിരഞ്ഞു ഞാൻ രാവിൽ അണഞ്ഞ നിലാവു പോലെ

ഇന്നുമിതുവരെ കണ്ടില്ല ഞാനെന്റെ മനസിന്നറയിലെ നിനവുകളെ

കാത്തിരിപ്പ്

2010-06-27T18:06:00.000-07:00

മഴ എന്നും എന്നെ എഴുതാൻ പ്രേരിപ്പിച്ചിരുന്ന പ്രിയ കൂട്ടുകാരി ആയിരുന്നു. വൈകിയെങ്കിലും ഈ മഴയും വ്യത്യസ്തമല്ല. ഇടവപ്പാതി തകർത്ത് പെയ്യുന്നുണ്ട് ജനലഴികൽക്കപ്പുറം. മഴ തുടങ്ങിയിട്ടു പത്ത് ദിവസത്തോളം ആയെങ്കിലും, ഇക്കുറി വാക്കുകൾക്ക് എന്നിലേക്ക് ഒഴുകിയെത്താൻ എന്തോ മടിയുള്ളത്പോലെ. ശക്തമായ് വീശുന്ന കാറ്റിനും ഉരുക്കാൻ വയ്യത്ത വിധം ഉറഞ്ഞ് ഏതോ ഓർമ്മകളുടെ സങ്കീർണ്ണതകളിൽ കുടുങ്ങിക്കിടക്കുന്നുണ്ട് എന്റെ ഭാവന. അതിന്റെ വരവും കാത്തുളള ഈ ജീവിതത്തിൽ, മഴയത്ത് മാത്രം എത്തുന്ന വാക്കിന്റെ പ്രവാഹവും കാത്ത് ഒരു വേഴാംബലിന്റെ മനസോടെ ഇനി എത്ര കാലം? അറിയില്ല!!!!!!